ការិយាល័យ OAH ត្រួតពិនិត្យឡើងវិញយ៉ាងហ្មត់ចត់នូវសំណើសុំនីតិវិធីត្រឹមត្រូវតាមផ្លូវច្បាប់ (ដែលគេហៅថា “បណ្តឹង”) ដើម្បីធ្វើឲ្យប្រាកដថា សំណើនោះច្បាស់ទាំងមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងមណ្ឌលសិក្សាធិការ។ អ្នកត្រូវប្រាកដថា បញ្ហាជម្លោះ ឬការខ្វែងគំនិតរបស់អ្នក គឺជាបញ្ហាដែលចៅក្រមផ្នែក ច្បាប់រដ្ឋបាល (ALJ) មានសិទ្ធិពិចារណា។ បណ្តឹងរបស់អ្នកត្រូវមានការរៀបរាប់អំពីបញ្ហានីមួយៗ និងសំណើដំណោះស្រាយ។ បញ្ហា វិវាទ ឬការមិនឯកភាពគ្នាដែលអ្នកអាចដោះស្រាយតាមរយៈនីតិវិធីត្រឹមត្រូវតាមផ្លូវច្បាប់ត្រូវស្ថិតក្នុងប្រភេទមួយយ៉ាងតិចដូចខាងក្រោម៖
- មណ្ឌលសិក្សាធិការស្នើឲ្យផ្តួចផ្តើម ឬផ្លាស់ប្តូរប្រភេទសិទ្ធិពិការភាព ឬប្រភេទពិការភាពរបស់កូនអ្នក ហើយអ្នកមិនយល់ព្រម។
- ការវាយតម្លៃឡើងវិញលើកូនរបស់អ្នក ហើយអ្នកមិនយល់ព្រមចំពោះការវាយតម្លៃនេះ (ក្នុងរឿងក្តីនេះ មណ្ឌលសិក្សាធិការ ទំនងជាស្នើសុំនីតិវិធីត្រឹមត្រូវតាមផ្លូវច្បាប់)។
- មណ្ឌលសិក្សាធិការស្នើឲ្យផ្តួចផ្តើម ឬផ្លាស់ប្តូរកន្លែងរៀនរបស់កូនអ្នក ហើយអ្នកមិនយល់ព្រម។ បើមណ្ឌលសិក្សាធិការស្នើសុំផ្លាស់ប្តូរកន្លែងរៀនរបស់កូនអ្នក ទាំងអ្នកទាំងមណ្ឌលសិក្សាធិការ អាចស្នើសុំនីតិវិធីត្រឹមត្រូវតាមផ្លូវច្បាប់ដើម្បីដោះស្រាយវិវាទនេះ។
- មណ្ឌលសិក្សាធិការស្នើឲ្យផ្តួចផ្តើម ឬផ្លាស់ប្តូរការផ្តល់ការអប់រំសាធារណៈដោយឥតគិតថ្លៃនិងសមរម្យ (FAPE) ដល់សិស្ស។ បើមានការខ្វែងគំនិតគ្នាទាក់ទងនឹង FAPE ទាំងមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតទាំងសាលាអាចស្នើសុំនីតិវិធីត្រឹមត្រូវតាមផ្លូវច្បាប់ដើម្បីដោះស្រាយវិវាទនេះបាន។
- អ្នកស្នើសុំមណ្ឌលសិក្សាធិការ ឲ្យស្វែងរកសិស្សដែលមានសិទ្ធិទទួលការអប់រំពិសេស ប៉ុន្តែមណ្ឌលសិក្សាធិការ បានបដិសេធ។
- អ្នកស្នើសុំផ្លាស់ប្តូរប្រភេទសិទ្ធិទទួលការអប់រំពិសេសរបស់សិស្ស ប៉ុន្តែមណ្ឌលសិក្សាធិការបានបដិសេធ
- អ្នកស្នើសុំការវាយតម្លៃរបស់សិស្ស ប៉ុន្តែមណ្ឌលសិក្សាធិការបានបដិសេធ។
- អ្នកស្នើសុំការកំណត់កន្លែងរៀន ឬផ្លាស់ប្តូរការកំណត់កន្លែងរៀនដែលមានស្រាប់របស់កូនអ្នក ប៉ុន្តែមណ្ឌលសិក្សាធិការបានបដិសេធ។
- អ្នកស្នើសុំសេវាកម្មអប់រំពិសេសជាក់លាក់ ឬផ្លាស់ប្តូរកម្មវិធី IEP ប៉ុន្តែមណ្ឌលសិក្សាធិការបានបដិសេធ។
- អ្នកនិងមណ្ឌលសិក្សាធិការ ការិយាល័យអប់រំខោនធី និង/ឬ ផ្នែកផែនការក្នុងស្រុកសម្រាប់ការអប់រំពិសេស (Special Education Local Plan Area — SELPA) មិនយល់ស្របអំពីវត្តមាននៃកម្មវិធីសមស្របណាមួយ ដែល មណ្ឌលសិក្សាធិការ ឬទីភ្នាក់ងារអប់រំទទួលខុសត្រូវខាងហិរញ្ញវត្ថុដែលផ្តល់ជូនកម្មវិធីនេះដល់សិស្ស។1
- Cal. Ed. Code Sec. 56501(a).[↩]