តុលាការមណ្ឌលទីប្រាំបួន (Ninth Circuit) ស្ថិតនៅក្នុងចំណោមសាលាឧទ្ធរណ៍សហព័ន្ធដែលអនុញ្ញាតឲ្យមានបណ្តឹងទាមទារសំណងខូចខាតដំណើការទៅមុខនៅក្រោមផ្នែក 504 ស្របជាមួយនឹងផ្នែក 1983 (នៃមាត្រា 42 នៃក្រមសហរដ្ឋអាមេរិក)។1 អ្នកត្រូវបង្ហាញពី “ចេតនារើសអើង” ឬក៏ “ការព្រងើយកន្តើយដោយចេតនា” ដោយមន្រ្តី ឬទីភ្នាក់ងារណាមួយ ដើម្បីទារប្រាក់សំណងខូចខាតក្រោមផ្នែក 504 ឬ ADA (ជំពូក II) ប្រឆាំងនឹងអង្គភាពសាធារណៈ។2 បទដ្ឋាននេះអាចបង្កការលំបាកសម្រាប់មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងសិស្សក្នុងការបង្កើតការប្រឆាំងនឹងមន្រ្តីសាលាសាធារណៈ ឬមណ្ឌលសិក្សាធិការ។ លើសពីនេះទៀត ការប្តឹងត្រូវធ្វើឡើងនៅតុលាការសហព័ន្ធតាមផ្នែក 504 ក្នុងរយៈពេលមួយឆ្នាំ។3 ចំណុចចុងក្រោយ បើប្រធានបទនៃវិវាទ តាមផ្នែក 504 និងច្បាប់ ADA ទាក់ទងទៅនឹងការបដិសេធមិនផ្តល់ការអប់រំសាធារណៈដោយឥតគិតថ្លៃ និងសមស្រប នោះអ្នកត្រូវប្រើឲ្យអស់នូវនីតិវិធីរដ្ឋបាលតាមច្បាប់ IDEA ជាមុនសិន មុនពេលអ្នកឡើងតុលាការតាមផ្នែក 504 ឬការទាមទារសំណងតាមច្បាប់ ADA។4