(6.37) បើមណ្ឌលសិក្សាធិការមិនផ្តល់ “សេចក្ដីជូនដំណឹងជាលាយលក្ខណ៍អក្សរជាមុន” អំពីសំណើសុំកម្មវិធី IEP របស់ខ្លួនទេ ហើយមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត មិនយល់ស្របនឹងសំណើនេះ តើមណ្ឌលសិក្សាធិការត្រូវផ្តល់សេចក្ដីជូនដំណឹងនោះដល់ខ្ញុំ នៅពេលដែលខ្ញុំស្នើសុំសវនាការតាមនីតិវិធីត្រឹមត្រូវតាមផ្លូវច្បាប់ដែរទេ?

បាទ/ចាស។ បើមណ្ឌលសិក្សាធិការមិនបានផ្តល់សេចក្ដីជូនដំណឹងជាលាយលក្ខណ៍អក្សរជាមុន មុនពេលដែលអ្នកស្នើសុំសវនាការតាមនីតិវិធីត្រឹមត្រូវតាមផ្លូវច្បាប់ទេ នោះមណ្ឌលសិក្សាធិការត្រូវផ្ញើការឆ្លើយតបដល់អ្នក (ក្នុងរយៈពេល 10 ថ្ងៃបន្ទាប់ពីទទួលបានសេចក្ដីចម្លងមួយច្បាប់នៃបណ្តឹងរបស់អ្នក) ដែលមានចំណុចទាំងអស់ដូចខាងក្រោម៖

ការពន្យល់អំពីមូលហេតុដែលមណ្ឌលសិក្សាធិការធ្វើ ឬមិនធ្វើអ្វីៗដែលបានបង្កើតជាបញ្ហា។
ការរៀបរាប់អំពីជម្រើសផ្សេងទៀតដែលក្រុមនៃកម្មវិធី IEP បានពិចារណា និងមូលហេតុនៃការបដិសេធ។
ការរៀបរាប់អំពីការវាយតម្លៃ និតិវិធី តេស្ត របាយការណ៍ ។ល។ មណ្ឌលសិក្សាធិការបានប្រើជាមូលដ្ឋានដើម្បីធ្វើ ឬមិនធ្វើអ្វីៗដែលបានបង្កើតជាបញ្ហា។ និង
ហេតុផលផ្សេងទៀតសម្រាប់ភាពសកម្ម ឬភាពអសកម្មរបស់មណ្ឌលសិក្សាធិការ។

ក្នុងកាលៈទេសៈទាំងនេះ មណ្ឌលសិក្សាធិការមិនចាំបាច់ដាក់ការឆ្លើយតបដាច់ដោយឡែកក្នុងរយៈពេលដប់ថ្ងៃ ដូចរៀបរាប់ខាងលើទេ។¹

20 U.S.C. Sec. 1415(k)(2)(B)(ii)(II); 34 C.F.R. Sec. 300.508(e)(2); Cal. Ed. Code Sec. 56502(d)(2).[↩]