ការិយាល័យសវនាការរដ្ឋបាល (OAH) នឹងផ្តល់ឲ្យអ្នកសម្រុះសម្រួលដែលត្រូវអង្គុយក្រៅផ្លូវការជាមួយអ្នក និងមណ្ឌលសិក្សាធិការមុនពេលសវនាការតាមនីតិវិធីត្រឹមត្រូវតាមផ្លូវច្បាប់បានធ្វើឡើងដើម្បីដោះស្រាយបញ្ហា បើភាគីទាំងសង្ខាងយល់ព្រមសម្រុះសម្រួល។ អ្នកសម្រុះសម្រួលគ្មានអំណាចបង្ខំឲ្យភាគីទាំងសង្ខាងធ្វើអ្វីទេទាំងអស់ តែជួយអ្នកនិងមណ្ឌលសិក្សាធិការទទួលបានការព្រមព្រៀង។ ជាទូទៅ អ្នកសម្រុះសម្រួលនឹងជួបគ្នានៅក្នុងបន្ទប់ជាមួយអ្នកទាំងអស់ដែលចូលរួម ប៉ុន្តែអាចរៀបចំ«ក្រុមពិភាក្សា»ដាច់ដោយឡែកជាមួយភាគីទាំងសង្ខាងដើម្បីដោះស្រាយបញ្ហា។ អ្នកសម្រុះសម្រួល ជាទូទៅគឺជាចៅក្រមផ្នែកច្បាប់រដ្ឋបាល (ALJ) ដើរតួជាអ្នកសម្រុះសម្រួល មិនមែនជាចៅក្រមទេ។ ALJ ដើរតួជាអ្នកសម្រុះសម្រួល នឹងមិនដើរតួជា ALJ ដែលត្រូវបានតែងតាំងឲ្យស្តាប់រឿងក្តីរបស់អ្នកទេ បើវិវាទនេះត្រូវដោះស្រាយក្នុងសវនាការ។1
បើការស្រមុះស្រមួលមិនបានដោះស្រាយបញ្ហាទាំងអស់ដែលមាននៅក្នុងជម្លោះ អ្វីដែលអ្នក (ឬតំណាងមណ្ឌលសិក្សាធិការ) បាននិយាយ ឬសរសេរការសម្រុះសម្រួលមួយផ្នែក ត្រូវគេដាក់ជូនចៅក្រមផ្នែកច្បាប់រដ្ឋបាល (ALJ) នៅពេលសវនាការដើម្បីបញ្ជាក់លើរឿងក្តីរបស់ភាគីទាំងសង្ខាង។2 ដូច្នេះ ដោយសារតែមណ្ឌលសិក្សាធិការផ្តល់ជូនជួបអ្នកពាក់កណ្តាលទាក់ទងនឹងកម្មវិធីក្នុងពេលកិច្ចប្រជុំសម្រុះសម្រួល វាមិនបានន័យថា ការផ្តល់ជូនបែបនេះអាចត្រូវបានគេអនុញ្ញាតឲ្យធ្វើជាភ័ស្តុតាងក្នុងពេលសវនាការនោះទេ។ ប្រសិនបើការសម្រុះសម្រួលបរាជ័យ ហើយរាល់ការផ្តល់ជូនទាំងអស់ត្រូវបានដកចេញ នោះភាគីនីមួយៗត្រូវបង្ហាញរឿងក្តីទាំងមូលរបស់គាត់ដោយមិនយោងទៅលើអ្វីដែលនិយាយរួចហើយ ឬវឌ្ឍនភាពដែលទទួលបានក្នុងពេលប្រជុំសម្រុះសម្រួលឡើយ។
ទោះបីជាវិវាទជាច្រើនត្រូវបានដោះស្រាយតាមរយៈការសម្រុះសម្រួលក៏ដោយ អ្នកមិនអាចសន្មតថា វិវាទរបស់អ្នកនឹងត្រូវបានដោះស្រាយចប់ហើយនោះទេ។ ដើម្បីជាប្រយោជន៍ល្អបំផុតចំពោះរូបអ្នក អ្នកត្រូវត្រៀមខ្លួនឲ្យបានល្អតាមលទ្ធភាពដើម្បីចូលរួមសវនាការមុនពេលសម្រុះសម្រួល។ សូមចាំថា ការស្រមុះស្រមួលគឺជាការស្ម័គ្រចិត្ត ហើយភាគីទាំងសងខាងអាចបដិសេធបាន។ បើបដិសេធ អ្នកត្រូវចូលរួមស្តាប់សវនាការដោយផ្ទាល់តែម្តង។