ប្រសិនបើពាក្យបណ្តឹងរបស់អ្នកមិនចោតប្រកាន់លើការបំពានច្បាប់អប់រំពិសេសរបស់រដ្ឋនិងសហព័ន្ធទេ អ្នកចាំបាច់ត្រូវគោរពតាមនីតិវិធីបណ្តឹងរួម ឬ UCP។ UCP គ្របដណ្តប់លើបណ្តឹងផ្សេងៗជាច្រើនប្រភេទ រួមទាំងបណ្តឹងដែលចោទប្រកាន់លើការរើសអើង ការយាយី ការបំភិតបំភ័យ ឬការគំរាមកំហែង។1
អ្នកអាចសុំឱ្យក្រសួង CDE ធ្វើការស៊ើបអង្កេតទៅលើពាក្យបណ្តឹង UCP របស់អ្នកដោយផ្ទាល់ ប្រសិនបើស្ថានភាពខាងក្រោមមួយឬច្រើនកើតឡើង៖
- ពាក្យបណ្តឹងរួមមានការចោទប្រកាន់ថា មណ្ឌលសិក្សាធិការមិនបានគោរពតាមនីតិវិធីបណ្តឹងរបស់ UCP។
- អ្នកស្នើសុំឱ្យមានអនាមិកភាព ដោយសារតែអ្នកអាចនឹងស្ថិតនៅក្នុងគ្រោះថ្នាក់ប្រឈមនឹងការការសងសឹក និងអាចទទួលរងនូវការធ្វើបាបភ្លាមៗ និងមិនអាចជួសជុលបាន ប្រសិនបើអ្នកបានដាក់ពាក្យបណ្តឹងទៅកាន់មណ្ឌលសិក្សាធិការ។
- អ្នកបានចោទប្រកាន់ថា មណ្ឌលសិក្សាធិការមិនបានអនុវត្ត ឬបដិសេធមិនព្រមអនុវត្តតាមរបាយការណ៍ ស៊ើបអង្កេតសម្រេចចុងក្រោយ បណ្តាលមកពីពីការស៊ើបអង្កេតក្នុងមូលដ្ឋាន និងកិច្ចព្រមព្រៀងសម្រុះ សម្រួលតាមមូលដ្ឋាន ឬការសម្រេចចិត្តលើបណ្តឹងឧទ្ធរណ៍របស់ CDE.
- អ្នកបានចោទប្រកាន់ថា តាមរយៈកំហុសផ្ទាល់ខ្លួនរបស់អ្នក មណ្ឌលសិក្សាធិការមិនបានចាត់វិធានការទៅលើពាក្យបណ្តឹងរបស់អ្នកក្នុងរយៈពេល 60ថ្ងៃតាមប្រតិទិន បន្ទាប់ពីកាលបរិច្ឆេទដែលបានដាក់ពាក្យបណ្តឹងនោះ។
- អ្នកបានចោទប្រកាន់ថា អ្នកអាចនឹងទទួលរងនូវការធ្វើបាបភ្លាមៗ និងមិនអាចជួសជុលបាន ដោយសារតែការអនុវត្តគោលនយោបាយនៅក្នុងមណ្ឌលសិក្សាទាំងមូលដែលផ្ទុយទៅនឹងច្បាប់របស់រដ្ឋនិងសហព័ន្ធ។
នេះហៅថា “អន្តរាគមន៍របស់រដ្ឋដោយផ្ទាល់”។ ក្រសួង CDE មានឆន្ទានុសិទ្ធិក្នុងការសម្រេចថាតើត្រូវធ្វើអន្តរាគមន៍ដោយផ្ទាល់ដែរឬអត់។2
បើ CDE ជ្រើសរើសមិនធ្វើអន្តរាគមន៍ដោយផ្ទាល់ទេ ក្រសួងត្រូវតែបញ្ជូនពាក្យបណ្តឹងទៅមណ្ឌលសិក្សាធិការពាក់ព័ន្ធជាបន្ទាន់ ដើម្បីធ្វើការស៊ើបអង្កេត។3 លើសពីនេះទៀត CDE ត្រូវជូនដំណឹងដល់អ្នកតាមលិខិតមួយច្បាប់ដែលបញ្ជាក់ថាខ្លួនបានផ្ទេរបណ្តឹង និងថាក្រសួងកំពុងស្នើសុំ “ការដោះស្រាយនៅកម្រិតមូលដ្ឋាន” លើពាក្យបណ្ដឹងនេះ។ លិខិតនេះក៏ត្រូវណែនាំអ្នកអំពីនីតិវិធីបណ្តឹងឧទ្ធរណ៍ បើអ្នកមិនយល់ស្របនឹងលទ្ធផលនៃការស៊ើបអង្កេតក្នុងសង្កាត់ (District) នោះ។4