មណ្ឌលសិក្សាធិការត្រូវតែផ្តល់នូវជំនួយការគ្រូម្នាក់ ប្រសិនបើកូនរបស់អ្នកមានពិការភាពត្រូវការអ្នកផ្តល់ជំនួយណាម្នាក់ដើម្បីទទួលបានអត្ថប្រយោជន៍ពីការអប់រំរបស់គាត់ រួមទាំងស្ថានភាពដែលកូនរបស់អ្នកត្រូវការជំនួយការម្នាក់ដើម្បីជួយគាត់នៅក្នុងថ្នាក់រៀនអប់រំចំណេះទូទៅផងដែរ។ មណ្ឌលសិក្សាធិការមានភារកិច្ចក្នុងការអប់រំសិស្សផ្នែកអប់រំពិសេសក្នុងកម្រិតមួយសមស្របជាអតិបរមាជាមួយនឹងមិត្តរួមថ្នាក់ដែលមិនមានពិការភាពរបស់ពួកគេ។ 1
ឧទាហរណ៍ ជំនួយការគ្រូម្នាក់អាចត្រូវបានតម្រូវឲ្យជួយដល់សិស្សម្នាក់ដែលមានពិការភាពរាងកាយសំខាន់ៗអនុវត្តកិច្ចការអប់រំ (ដូចជាការកត់ត្រាជាដើម) ឬតម្រូវឲ្យជួយនៅក្នុងកម្មវិធីគ្រប់គ្រងអាកប្បកិរិយាណាមួយ សម្រាប់សិស្សម្នាក់ដែលមានបញ្ហាផ្នែករាងកាយសំខាន់ៗ។
ដូចគ្នានឹងអ្នកផ្ដល់សេវាកម្មដែលពាក់ព័ន្ធដែរ ក្រសួងអប់រំរដ្ឋកាលីហ្វ័រញ៉ា (CDE) ត្រូវ “បង្កើតនិងរក្សា” មានលក្ខណៈសម្បត្តិគ្រប់គ្រាន់ដើម្បីធានាថា ជំនួយការគ្រូបានត្រៀមខ្លួននិងទទួលការបណ្ដុះបណ្ដាលសមស្របនិងគ្រប់គ្រាន់ ដែលមាន “ចំណេះដឹង និងជំនាញលើមាតិកា” ដើម្បីផ្ដល់សេវាកម្មដល់កុមារដែលមានពិការភាព។ គុណវុឌ្ឍិទាំងនេះត្រូវតែមានភាពស៊ីចង្វាក់គ្នាជាមួយលិខិតបញ្ជាក់ អាជ្ញាបណ្ណ ការចុះបញ្ជីដែលទទួលស្គាល់ដោយរដ្ឋ ឬលក្ខខណ្ឌតម្រូវជំនាញវិជ្ជាជីវៈប្រហាក់ប្រហែលគ្នាផ្សេងទៀតសម្រាប់ជំនួយការគ្រូ។ លក្ខខណ្ឌតម្រូវទាំងនេះមិនអាចមានការលើកលែងសម្រាប់ជំនួយការគ្រូណាម្នាក់ដោយផ្អែកលើមូលដ្ឋាននៃភាពបន្ទាន់ បណ្តោះអាសន្ន ឬក្នុងរយៈពេលខ្លីនោះទេ។ 2