ការបង្រៀននៅផ្ទះ (ជួនកាលហៅថា “ការបង្រៀនតាមផ្ទះ/មន្ទីរពេទ្យ”) គឺជាជម្រើសនៃកន្លែងរៀនដែលមានផ្តល់ជូនដល់សិស្សដែលមានពិការភាព ដែលពួកគេមិនអាចទទួលបានការអប់រំនៅក្នុងមជ្ឈដ្ឋានសាលារៀនសាធារណៈបាន។ ជាធម្មតា សិស្សនៅក្នុងកន្លែងរៀននេះ ជាសិស្សដែលមានតម្រូវការផ្នែកសុខភាពសំខាន់ៗ ឬមានបញ្ហាលំបាកផ្នែកអាកប្បកិរិយាគួរឲ្យកត់សម្គាល់។
គ្រប់សិស្សផ្នែកអប់រំពិសេសទាំងអស់មានសិទ្ធិទទួលបានកម្មវិធីលក្ខណៈបុគ្គលនៃការបង្រៀនពិសេស និងសេវាកម្មពាក់ព័ន្ធ ដែលបង្កើតឡើងដើម្បីបំពេញតម្រូវការពិសេសរបស់សិស្ស និងដែលនាំឲ្យទទួលបានអត្ថប្រយោជន៍ផ្នែកអប់រំ។ 1 ដែនកំណត់មិនច្បាស់លាស់នៃការបង្រៀននៅតាមផ្ទះចំនួនមួយម៉ោងឬពីរម៉ោងក្នុងមួយថ្ងៃដោយគ្មានការវាយម្លៃលក្ខណៈបុគ្គលលើកន្លែងរៀន និងសេវាកម្មដែលពាក់ព័ន្ធគឺមិនត្រូវបានបង្កើតឡើងសម្រាប់តម្រូវការពិសេសរបស់កូនរបស់អ្នកនោះទេ។ ហេតុនេះ កម្មវិធីបង្រៀននៅតាមផ្ទះ ដែលរួមបញ្ចូលទាំងតម្រូវការចំពោះសេវាកម្មដែលពាក់ព័ន្ធ ត្រូវតែបង្កើតឡើងនៅក្នុងកិច្ចប្រជុំក្រុមការងារកម្មវិធី IEP ហើយត្រូវផ្អែកលើតម្រូវការបុគ្គលរបស់កូនអ្នក។ សូមមើល ជំពូក 4 ព័ត៌មានស្តីពីដំណើរការកម្មវិធី IEP។
- Board of Education v. Rowley, 102 S. Ct. 3034 (U.S. 1982).[↩]