ច្បាប់សហព័ន្ធកំណត់និយមន័យលើជំនួយ និងសេវាកម្មបំពេញបន្ថែមយ៉ាងទូលំទូលាយថាជា៖ “ជំនួយ សេវាកម្ម និងការគាំទ្រផ្សេងៗដែលត្រូវបានផ្ដល់នៅក្នុងថ្នាក់អប់រំធម្មតា ឬមជ្ឈដ្ឋានពាក់ព័ន្ធនឹងការអប់រំផ្សេងៗ ដើម្បីឲ្យកុមារដែលមានពិការភាពទទួលបានការអប់រំជាមួយកុមារដែលមិនមានពិការភាព នៅក្នុងកម្រិតអតិបរមាយ៉ាងសមស្រប…” 1 ឧទាហរណ៍នៃជំនួយ និងសេវាកម្មបន្ថែមដែលអាចនឹងត្រូវបានប្រើប្រាស់ដើម្បីជួយសិស្សនៅក្នុងការអប់រំពិសេសនៅក្នុងថ្នាក់អប់រំចំណេះទូទៅ រួមមានជាអាទិ៍៖ មជ្ឈដ្ឋានសិក្សាដែលមានរចនាសម្ព័ន្ធ ការនិយាយសាចុះសាឡើង និងការសម្រួលពាក្យពេចន៍ក្នុងការបង្រៀនទៅលើកិច្ចការលំហាត់ធ្វើនៅផ្ទះ និងក្នុងថ្នាក់ ការបន្ថែមការណែនាំផ្ទាល់មាត់ដោយមានការណែនាំជារូបភាព ការប្រើប្រាស់បច្ចេកទេសគ្រប់គ្រងអាកប្បកិរិយា ការកែតម្រូវកាលវិភាគក្នុងថ្នាក់ ការកែសម្រួលការប្រគល់តេស្ត ការប្រើឧបករណ៍ថតសំឡេង ការបង្រៀនដោយមានជំនួយពីកុំព្យូទ័រ និងឧបករណ៍ជំនួយសោតទស្សន៍ផ្សេងទៀត សៀវភៅសិក្សាឬសៀវភៅលំហាត់ដែលមានកែសម្រួល ការកាត់បន្ថយចំនួនសិស្សក្នុងថ្នាក់ ការប្រើប្រាស់ការបង្រៀនផ្ទាល់មួយទល់នឹងមួយ គ្រូជំនួយក្នុងថ្នាក់រៀននិងឧបករណ៍កាត់ត្រា ការចូលរួមរបស់ “អ្នកសម្របសម្រួលសេវាកម្ម” ដើម្បីត្រួតពិនិត្យការអនុវត្តកម្មវិធីនិងសេវាកម្មពិសេស ការកែសម្រួលពេលវេលានៃកម្មវិធីក្រៅការសិក្សា (ដូចជាបន្ទប់ទទួលទានអាហារថ្ងៃត្រង់ ចេញលេង និងការអប់រំកាយ)។
ឧទាហរណ៍ផ្សេងៗទៀត រួមមាន៖ ការកែសម្រួលស្របតាមកម្មវិធីសិក្សានៅក្នុងថា្នក់អប់រំចំណេះទូទៅ ការផ្ដល់ជំនួយដល់គ្រូអប់រំពិសេសចល័ត ការបង្ហាត់បង្រៀនពីការអប់រំពិសេសដល់គ្រូបង្រៀនអប់រំចំណេះទូទៅ ការប្រើប្រាស់ឧបករណ៍ជំនួយដោយកុំព្យូទ័រ និងការប្រើប្រាស់បន្ទប់ធនធាន។ 2