បាទ/ចាស។ ក្រុមប្រឹក្សាអប់រំរបស់មណ្ឌលសិក្សាធិការតាមមូលដ្ឋាន “ដែលមានការចូលរួមយ៉ាងសកម្ម” របស់ឪពុកម្តាយ អ្នករដ្ឋបាល គ្រូនិងសិស្ស គប្បីប្រើប្រាស់វិធីជំនួសសម្រាប់សិស្សបញ្ចប់វគ្គសិក្សាដែលបានកំណត់នោះ។ (វគ្គសិក្សាដែលបានកំណត់ មានន័យថាចំនួនមេរៀនឬវគ្គសិក្សាអប្បបរមាដែលសិស្សត្រូវបំពេញនៅក្នុង ឬផ្នែកនៃមុខវិជ្ជាផ្សេងៗ ដើម្បីបញ្ចប់ការសិក្សានៅវិទ្យាល័យ)។ នេះអាចរួមមាន៖ ការបង្ហាញជាក់ស្តែងនូវជំនាញ និងសមត្ថភាព បទពិសោធការងារដែលបានគ្រប់គ្រង ឬបទពិសោធក្រៅសាលាផ្សេងទៀត ថ្នាក់អប់រំបច្ចេកទេសជំនាញអាជីព វគ្គសិក្សាផ្តល់ជូនដោយមជ្ឈមណ្ឌល ឬកម្មវិធីមុខងារវិជ្ជាជីវៈក្នុងតំបន់ ការសិក្សាអន្តរជំនាញ ការសិក្សាឯករាជ្យ និងក្រេឌីតទទួលបាននៅមហាវិទ្យាល័យ ឬសាកលវិទ្យាល័យ។ 1
ប្រសិនបើក្រុមការងារ IEP មានវគ្គសិក្សាលក្ខណៈបុគ្គលសម្រាប់សិស្សណាម្នាក់ វគ្គសិក្សានោះត្រូវក្លាយជា “វគ្គសិក្សាដែលបានកំណត់” សម្រាប់បំពេញតាមលក្ខខណ្ឌតម្រូវបញ្ចប់ការសិក្សា។ 2 មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតគូរតែរួមបញ្ចូលនូវសេចក្តីបញ្ជាក់ជាលាយក្ខណ៍អក្សរនៅក្នុងកម្មវិធី IEP ថាវគ្គសិក្សាលក្ខណៈបុគ្គលបំពេញបានតាមលក្ខខណ្ឌតម្រូវនោះ។
សិស្សក៏ត្រូវទទួលបានការអនុញ្ញាតផងដែរក្នុងការចូលរួមធ្វើតេស្ត CAASPP ដោយមានការសម្របសម្រួលដែលមិន “ធ្វើឲ្យមានការកែប្រែជាមូលដ្ឋានទៅលើអ្វីដែលការប្រឡងនោះធ្វើការវាស់ស្ទង់ ឬមានឥទ្ធិពលទៅលើភាពប្រហាក់ប្រហែលគ្នានៃពិន្ទុ”។ ទាំងនេះក៏ត្រូវតែបញ្ជាក់ផងដែរនៅក្នុងកម្មវិធី IEP ឬផែនការ 504 របស់សិស្ស។