ជាជាងឲ្យមណ្ឌលសិក្សាធិការទទួលខុសត្រូវចំពោះសេវាកម្មសុខភាពជាក់លាក់មួយចំនួន សភាបានសម្រេចចុះកិច្ចព្រមព្រៀងអន្តរទីភ្នាក់ងារជាមួយទីភ្នាក់ងាររដ្ឋផ្សេងទៀតដើម្បីផ្តល់សេវាកម្មទាំងនេះដល់សិស្ស។ សេវាកម្មពាក់ព័ន្ធនឹងអន្តរទីភ្នាក់ងារបឋម គឺការព្យាបាលដោយចលនា និងការព្យាបាលដោយការងារ (PT/OT) ដែលផ្តល់ជូនដោយសេវាកម្មកុមាររដ្ឋកាលីហ្វ័រញ៉ា (California Children’s Services, CCS) ។
សេវាកម្មពាក់ព័ន្ធនឹងអន្តរទីភ្នាក់ងារទាំងនេះសម្រាប់ការអប់រំពិសេសត្រូវបានដាក់បញ្ចូលនៅក្នុងច្បាប់របស់រដ្ឋជាសេចក្តីស្នើច្បាប់របស់សភា (AB) 3632 ហើយត្រូវបានចងក្រងទៅជាច្បាប់។ ជួនកាលគេហៅថាជាសេវាកម្ម “សេចក្តីស្នើច្បាប់របស់សភា (AB) 3632” ឬសេវាកម្ម “ច្បាប់រដ្ឋកាលីហ្វ័រញ៉ា ជំពូកទី 26.5”។ ច្បាប់ AB 3632 នឹងត្រូវបានប្រើប្រាស់ក្នុងករណីសំដៅដល់សេវាកម្មពាក់ព័ន្ធអន្តរទីភ្នាក់ងារនៅក្នុងសៀវភៅណែនាំនេះ។