ក្រោមសំណុំរឿងរបស់ Endrew F. មណ្ឌលសិក្សាធិការត្រូវតែផ្តល់ការអប់រំ FAPE ដែលបានបង្កើតឡើង ដើម្បីឲ្យកូនរបស់អ្នកមានឱកាសដើម្បីមានរីកចម្រើនផ្នែកអប់រំពេញលេញពាក់ព័ន្ធនឹងស្ថានភាពនីមួយៗរបស់គាត់។ មណ្ឌលសិក្សាធិការត្រូវតែធ្វើសេចក្តីព្រាងគោលដៅសិក្សា និង/ឬមុខងារ ដោយមិនគិតពីពិការភាពរបស់កុមារនោះទេ ហើយអនុវត្តសេវាកម្មនានាដែលនឹងជំរុញឲ្យសិស្សបំពេញតាមគោលបំណងទាំងនោះ។
មណ្ឌលសិក្សាធិការត្រូវតែអនុវត្តវិធានដែលមានការគាំទ្រ និងចងក្រងជាឯកសារ ដើម្បីធានាថាកម្មវិធី IEP ត្រូវបានបង្កើតឡើងដើម្បីជំរុញឲ្យកុមារមានការរីកចម្រើនពេញលេញ តាមរយៈគោលដៅប្រចាំឆ្នាំ។ គោលដៅដែលបានគូសបញ្ជាក់នៅក្នុងកម្មវិធី IEP គួរតែមានភាពលំបាក និងទាមទារឲ្យមានការប្រឹងប្រែងសម្រាប់កុមារ ហើយគួរតែត្រូវបានបង្កើតឡើង លុះត្រាតែបន្ទាប់ពីមានការពិចារណាដោយប្រុងប្រយ័ត្នទៅលើកម្រិតបច្ចុប្បន្ននៃលទ្ធផលសិក្សា ពិការភាព និងសក្តានុពលសម្រាប់ការលូតលាស់របស់កុមារ។ 1
ចំណុចផ្តោតលើកម្មវិធី IEP ត្រូវតែផ្តោតជានិច្ចលើកុមារម្នាក់ៗ និងតម្រូវការជាក់លាក់របស់គាត់។ អ្វីដែលជាវឌ្ឈនភាពសមស្រប និងរបៀបដែលបានពិពណ៌នានៅក្នុងកម្មវិធី IEP អាចជាការពិបាកសម្រាប់កុមារនីមួយៗ។ ប្រសិនបើមានភាពជាន់គ្នាទៅលើគោលដៅកម្មវិធី IEP ជាបន្តបន្ទាប់ ឬមានកង្វះការរីកចម្រើនពេញលេញលើគោលដៅនានា ក្រុមការងារកម្មវិធី IEP គួរចោទជាសំណួរឲ្យបានច្បាស់លាស់ទៅលើភាពគ្រប់គ្រាន់ពេញលេញនៃកម្មវិធី IEP តាមសេចក្តីសម្រេចក្នុងសំណុំរឿង Endrew F។
បន្ថែមពីលើនេះទៀត នៅពេលមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតលើកឡើងនូវក្តីកង្វល់អំពីកង្វះនៃការរីកចម្រើនរបស់កុមារ មណ្ឌលសិក្សាធិការត្រូវតែមានលទ្ធភាពឆ្លើយតបច្បាស់លាស់ និងសមហេតុផលដើម្បីពន្យល់បកស្រាយអំពីការសម្រេចចិត្តរបស់ពួកគេទៅលើរបៀបដែលគោលដៅរបស់កុមារដែលត្រូវបានគូសបញ្ជាក់នៅក្នុងកម្មវិធី IEP អាចនឹងជួយឲ្យកុមារមានការរីកចម្រើនសមស្របផ្អែកទៅតាមស្ថានភាពរបស់គាត់។ បើមណ្ឌលសិក្សាធិការមិនអាចផ្តល់ការពន្យល់បកស្រាយសមហេតុផលនោះទេ កម្មវិធី IEP ត្រូវតែពិនិត្យមើលឡើងវិញនូវកម្មវិធី IEP តាមរយៈការវាយតម្លៃ និងការអង្កេតថ្មីៗ ហើយធ្វើពង្រោងគោលដៅ និងសេវាកម្មថ្មីដែលអាចផ្តល់ឲ្យកុមារនោះនូវឱកាសក្នុងការទទួលបានអត្ថប្រយោជន៍អប់រំសំខាន់ៗ និងពេញលេញ។ 2