ផែនការផ្ទេរការសិក្សាលក្ខណៈបុគ្គល (ITP) គឺជាផែនការជាលាយលក្ខណ៍អក្សរបង្កើតឡើងដើម្បីជួយត្រៀមរៀបចំសិស្សឲ្យផ្ទេរពីជីវិតសិក្សានៅសាលាទៅជាជីវិតក្រោយការសិក្សានៅសាលា។ 1 ផែនការ ITP ត្រូវតែផ្អែកលើតម្រូវការ ចំណង់ចំណូលចិត្ត និងចំណាប់អារម្មណ៍របស់សិស្ស និងឆ្លុះបញ្ចាំងពីគោលដៅផ្ទាល់ខ្លួនរបស់សិស្ស។ វត្ថុបំណង កាលវេលា និងអ្នកទទួលខុសត្រូវចំពោះការបំពេញតាមវត្ថុបំណងនេះគួរតែធ្វើឡើងជាលាយលក្ខណ៍អក្សរនៅក្នុងផែនការ ITP (និងធ្វើឡើងសម្រាប់ជាផ្នែកមួយនៃកម្មវិធី IEP)។ សំខាន់ត្រូវយល់ថាការធ្វើផែនការផ្ទេរការសិក្សា និងការបង្កើតផែនការ ITP គឺជាផ្នែកមួយនៃដំណើរការកម្មវិធី IEP។
ការធ្វើផែនការផ្ទេរការសិក្សាអាចប្រព្រឹត្តទៅបាននៅក្នុងកិច្ចប្រជុំកម្មវិធីអប់រំលក្ខណៈបុគ្គល (IEP) និងកិច្ចប្រជុំការធ្វើផែនការផ្ទេរការសិក្សាលក្ខណៈបុគ្គល (ITP) រួមគ្នា ឬវាអាចប្រព្រឹត្តទៅក្នុងកិច្ចដាច់ដោយឡែកពីគ្នា។ កិច្ចប្រជុំធ្វើផែនការផ្ទេរការសិក្សាដាច់ដោយឡែកពីគ្នាអាចមានអត្ថប្រយោជន៍ ដោយសារតែវាអនុញ្ញាតឲ្យមានពេលវេលាច្រើនបន្ថែមដើម្បីផ្តោតលើសេចក្តីប្រាថ្នា និងចំណង់ចំណូលចិត្តរបស់សិស្ស។ បន្ទាប់មក ផែនការ ITP អាចធ្វើឲ្យទៅជាផ្នែកមួយនៃកម្មវិធី IEP បាន។
- 20 U.S.C. Sec. 1401(34); Cal. Ed. Code Secs. 56462 & 56345.1.[↩]