ការិយាល័យសវនាការរដ្ឋបាល (Office of Administrative Hearings, OAH) គឺជាទីភ្នាក់ងាររដ្ឋដែលទទួលបន្ទុករៀបចំកិច្ចប្រជុំសម្រុះសម្រួល និងកិច្ចដំណើរការរដ្ឋបាល។ ប្រសិនបើភាគីទាំងសងខាងយល់ព្រមសម្រុះសម្រួល នោះ OAH នឹងផ្តល់អ្នកសម្រុះសម្រួលមកឲ្យធ្វើការជាមួយអ្នក និងមណ្ឌលសិក្សាធិការមុនពេលសវនាការតាមនីតិវិធីត្រឹមត្រូវតាមច្បាប់ត្រូវបានរៀបចំឡើងដើម្បីព្យាយាមដោះស្រាយបញ្ហានោះ។ កិច្ចប្រជុំសម្រុះសម្រួលបានរៀបចំឡើងនៅពេលកិច្ចប្រជុំរកដោះស្រាយបញ្ហាត្រូវបានបដិសេធ ឬកិច្ចប្រជុំរកដោះស្រាយបញ្ហាបញ្ចប់ដោយគ្មានការឯកភាពគ្នា ហើយភាគីទាំងសងខាងឯកភាពធ្វើការសម្រុះសម្រួល។ អ្នកសម្រុះសម្រួលគ្មានសិទ្ធិអំណាចអ្វីក្នុងការបង្ខំឲ្យភាគីទាំងសងខាងធ្វើការដោះស្រាយការមិនឯកភាពគ្នានោះទេ។ អ្នកសម្របសម្រួលព្យាយាមជួយអ្នក និងមណ្ឌលសិក្សាធិការឲ្យទទួលបានកិច្ចព្រមព្រៀងណាមួយ។ លើសពីនេះទៀត អ្នកសម្របសម្រួលក៏អាចពិភាក្សាជាលក្ខណៈបុគ្គលជាមួយភាគីម្ខាងដាច់ដោយឡែកពីគ្នាផងដែរ នៅក្នុងការខិតខំព្យាយាមដោះស្រាយបញ្ហា។ អ្នកសម្រុះសម្រួល ជាទូទៅ គឺជាចៅក្រមច្បាប់រដ្ឋបាល (ALJ) ដែលមានតួនាទីជាអ្នកសម្របសម្រួល និងមិនមែនជាចៅក្រមទេ។ ចៅក្រម ALJ ដែលដើរតួជាអ្នកសម្រុះសម្រួល នឹងមិនមែនជាមន្ត្រីសវនាការដែលត្រូវបានចាត់តាំងឲ្យបើកសវនាការលើរឿងក្តីរបស់អ្នកនោះទេ ប្រសិនបើវិវាទនេះត្រូវដោះស្រាយក្នុងសវនាការ។ 1
- Cal. Ed. Code Secs. 56500.3(c)-(e) & 56501(b)(2).[↩]