លើកលែងតែក្នុងកាលៈទេសៈជាក់លាក់មួយចំនួនដែលបានពិភាក្សាខាងក្រោម ពុំនោះទេ កូនរបស់អ្នកត្រូវស្ថិតនៅក្នុងកន្លែងសិក្សាបច្ចុប្បន្នរបស់គាត់ ហើយជំរុញឲ្យមានការអនុវត្តពេញលេញចំពោះកម្មវិធី IEP នាពេលបច្ចុប្បន្នដែលបានឯកភាព (រួមទាំងទាំងសេវាកម្មពាក់ព័ន្ធទាំងអស់) ចាប់ពីពេលដែលអ្នកស្នើសុំសវនាការ រហូតដល់នីតិវិធីសវនាការតាមនីតិវិធីត្រឹមត្រូវតាមច្បាប់ត្រូវបានបញ្ចប់។ 1 ប្រសិនបើអ្នកឈ្នះក្ដីនៅសវនាការ ហើយមណ្ឌលសិក្សាធិការប្តឹងឧទ្ធរណ៍ជំទាស់នឹងសេចក្ដីសម្រេចទៅកាន់តុលាការ នោះកន្លែងរៀន និងសេវាកម្មរបស់កូនអ្នកដែលបានពណ៌នានៅក្នុងកម្មវិធី IEP របស់គាត់នឹងរក្សាទុកដដែល នៅអំឡុងពេលសវនាការតាមនីតិវិធីត្រឹមត្រូវតាមច្បាប់ ទន្ទឹមពេលដែលបណ្ដឹងឧទ្ធរណ៍នៅមិនទាន់សម្រេចសេចក្តី។ 2 ការការពារនេះជាទូទៅត្រូវបានគេហៅថា ការផ្តល់ជូន “ការរក្សាស្ថានភាពដដែល”។ ការសិក្សាស្ថានភាពដដែលអាចនឹងត្រូវផ្លាស់ប្ដូរ ប្រសិនបើមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងមណ្ឌលសិក្សាធិការយល់ព្រមធ្វើការផ្លាស់ប្តូរកន្លែងរៀន ឬសេវាកម្ម ខណៈដែលនីតិវិធីត្រឹមត្រូវតាមច្បាប់នៅមិនទាន់សម្រេចសេចក្តីនៅឡើយ។