Menu Close

(1.22) តើ​ខ្ញុំ​មាន​សិទ្ធិ​អ្វីខ្លះ​នៅក្នុង​ដំណើរការ​កម្មវិធី​ IEP?

(1.22) តើ​ខ្ញុំ​មាន​សិទ្ធិ​អ្វីខ្លះ​នៅក្នុង​ដំណើរការ​កម្មវិធី​ IEP?

បោះពុម្ពទំព័រនេះ។

អ្នក​គួរតែយល់ដឹង​អំពី​សិទ្ធិ​ជាមូលដ្ឋានទាំងនេះ​នៅក្នុង​ដំណើរការ​កម្ម​វិធី IEP រួមទាំង​សិទ្ធិ​ដើម្បី​៖

  1. ទទួល​ការជូនដំណឹង​ជាលាយលក្ខណ៍អក្សរ​អំពី​ពេលវេលា ទីតាំង​ និង​គោល​បំណង​នៃ​កិច្ច​ប្រជុំ និង​អំពី​មនុស្ស​ដែល​នឹង​ចូលរួម​ក្នុងកិច្ចប្រជុំ​ឲ្យ​បាន​ទា​ន់ពេលវេលាគ្រប់គ្រាន់​ ដើម្បី​ធានា​ថា​អ្នកនឹង​មាន​ឱកាស​ក្នុងការ​ចូល​រួម​។ មណ្ឌលសិក្សាធិការក៏ត្រូវ​កំណត់ពេលវេលាប្រជុំ​ទៅតាម​ពេលវេលា​ និង​ទីកន្លែង​ដែលបាន​ឯកភាព​គ្នាផងដែរ​​។​ 1 គួរកត់សម្គាល់ផងដែរថាប្រសិនបើ​មណ្ឌលសិក្សាធិការ​មិនអាច​បញ្ចុះ​បញ្ចូ​លអ្នក​ឲ្យចូលរួម​កិច្ច​ប្រជុំ​កម្មវិធី​ IEP តាម​ពេល​​កំណត់ត្រឹមត្រូវ​នោះទេ ម​ណ្ឌ​លសិក្សាធិការ​​អាច​រៀបចំកិច្ច​ប្រជុំ​ដោយគ្មានអ្នក​ ប្រសិនបើ​មណ្ឌល​សិ​ក្សា​ធិការ​បាន​រក្សា​ទុក​កំណត់​​ត្រា​នៃ​ការខិតខំប្រឹងប្រែង​រៀបចំ​ពេលវេលា និង​ទីកន្លែង​ដែលបាន​ឯកភាព​គ្នា​។​ ទោះយ៉ាង​ណាក៏ដោយ មណ្ឌលសិក្សាធិការ​ក៏ត្រូវ​ចាត់វិធានការ​នានា​ផង​ដែរ ដើម្បី​ធានានូវការចូលរួមពីឪពុកម្ដាយ ​— ដូចជា​តាមរយៈ​ជំនួប​ប្រជុំ​តាមទូរសព្ទ​ជាដើម​។ 2
  2. ចូលរួមកិច្ចប្រជុំ​ និងអមដំណើរជាមួយដោយ​បុគ្គលផ្សេងទៀត (រួមមាន​អ្នកតំណាងម្នាក់ដែល​អាច​ជា​មេធាវី ឬ​អ្នកតស៊ូមតិ​​)។ 3 ក្នុងករណីសមស្រប​ កូនរបស់អ្នក​ក៏អាច​មានវត្តមាន និង​ចូលរួម​ផងដែរ​។​ 4 សម្រាប់កម្មវិធី​ IEP មួយដែល​នឹង​មានសុពលភាពអនុវត្ត​ នៅពេល​កូន​រប​​ស់អ្នកមានអាយុ​ 16 ឆ្នាំ​ ការ​ជូន​ដំណឹង​​កម្ម​វិធី​ IEP ក៏ត្រូវ​ផ្តល់ដំណឹង​ដ​ល់អ្នក​ផងដែរ​ថា​សេវាកម្ម​ផ្ទេរការសិក្សា និង​គោលដៅនានា​នឹង​ត្រូវ​យក​មក​​ពិភាក្សា​ ហើយថា​មណ្ឌលសិក្សាធិការ​នឹង​អញ្ជើញកូនរបស់អ្នក​មក​ចូល​​រួម​ក្នុងកិច្ច​ប្រជុំ។​ 5
  3. បង្ហាញ​ពី​ក្តីកង្វល់របស់អ្នក​ពាក់ព័ន្ធនឹង​ការលើកកម្ពស់ការអប់រំ​របស់​កូន​អ្នក​។ 6
  4. មានវត្តមាន​អ្នក​បកប្រែភាសា និង​ភាសាសញ្ញា​​​ ប្រសិនបើ​ចាំបាច់​សម្រាប់​អ្នក​ក្នុងការចូលរួម​ក្នុងកិច្ច​ប្រជុំ។ 7
  5. ទទួលបាន​ច្បាប់ចម្លង​មួយច្បាប់​នៃ​កម្មវិធី​ IEP។ 8
  6. ជំរុញ​ឲ្យ​ពិនិត្យ​​កម្មវិធី​ IEP ប្រចាំឆ្នាំឡើងវិញ ដោយមានការអនុវត្ត​សិទ្ធិ​ទាំង​អស់ដូច​ខាងលើ។ 9
  7. ជំរុញ​ឲ្យអនុវត្តកម្មវិធី​ IEP ឲ្យបានឆាប់តាមដែល​​អាច​ធ្វើបាន​ បន្ទាប់ពី​ប​ង្កើត​កម្មវិធី​ IEP និង​ទទួលបាន​កម្មវិធី​ IEP ពេញលេញ​ដែលមានស្រាប់​ នៅពេលចាប់ផ្តើម​ឆ្នាំសិក្សានីមួយៗ។ 10

  1. 34 C.F.R. Secs. 300.322 (a) & (b).[↩]
  2. 34 C.F.R. Sec. 300.322 (d).[↩]
  3. 20 U.S.C. Sec. 1414(d)(1)(B)(vi); 34 C.F.R. Secs. 300.321(a)(6) & (c).[↩]
  4. 20 U.S.C. Sec. 1414(d)(1)(B)(vii); 34 C.F.R. Sec. 300.321(a)(7).[↩]
  5. 34 C.F.R. Sec. 300.322(b)(2).[↩]
  6. 20 U.S.C. Sec. 1414 (d)(3)(A)(ii); 34 C.F.R. Sec. 300.324(a)(1)(ii).[↩]
  7. 34 C.F.R. Sec. 300.322(e).[↩]
  8. 34 C.F.R. Sec. 300.322(f); 5 C.C.R. Sec. 3040(a).[↩]
  9. 20 U.S.C. Sec. 1414 (d)(4)(A); 34 C.F.R. Sec. 300.324(b).[↩]
  10. 34 C.F.R. Secs. 300.323(a) & (c)(2); 5 C.C.R. Sec. 3040(a).[↩]