(1.24) តើនរណាត្រូវបានកំណត់ឲ្យចូលរួមក្នុងកិច្ចប្រជុំក្រុមការងារកម្មវិធី IEP នេះ ហើយតើសមាជិកក្រុមការងារនោះត្រូវចូលរួមចំណែកអ្វីខ្លះនៅក្នុងកិច្ចប្រជុំនោះ?

ក្រុមការងារនេះ ត្រូវរួមបញ្ចូលនូវបុគ្គលមួយចំនួនដូចខាងក្រោម៖

ម្នាក់ ឬទាំងពីរនៃមាតាបិតា/អាណាព្យាបាល/អ្នកមានអប់រំផ្សេងទៀតរបស់កុមារ ដែលជាអ្នកតំណាងដែលត្រូវបានជ្រើសរើសដោយមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ឬទាំងពីរ
គ្រូផ្នែកអប់រំទូទៅយ៉ាងតិចម្នាក់ ប្រសិនបើកុមារស្ថិតនៅក្នុងឬអាចស្ថិតនៅក្នុងមជ្ឈដ្ឋានអប់រំទូទៅណាមួយ។ ប្រសិនបើកុមារមានគ្រូផ្នែកអប់រំចំណេះទូទៅលើសពីម្នាក់ សាលារៀនអាចជ្រើសរើសគ្រូណាម្នាក់មកចូលរួម
យ៉ាងហោចណាស់គ្រូផ្នែកអប់រំពិសេស ឬអ្នកផ្តល់សេវាកម្មម្នាក់
អ្នកតំណាងមណ្ឌលសិក្សាធិការម្នាក់ដែលមានលក្ខណៈសម្បត្តិគ្រប់គ្រាន់ក្នុងការផ្តល់ ឬគ្រប់គ្រងលើការផ្តល់សេវាកម្មបង្រៀនពិសេស មានចំណេះដឹងលើកម្មវិធីសិក្សាចំណេះទូទៅ និងមានចំណេះដឹងអំពីធនធានរបស់មណ្ឌលសិក្សាធិការ។ សមាជិកមណ្ឌលសិក្សាធិការផ្សេងទៀតដែលមានស្រាប់់នៅក្នុងក្រុមការងារកម្មវិធី IEP អាចបំពេញតួនាទីនេះបាន
បុគ្គលដែលបានធ្វើការវាយតម្លៃលើសិស្ស ឬនរណាម្នាក់ដែលមានចំណេះដឹងអំពីនីតិវិធីដែលបានប្រើប្រាស់ និងលទ្ធផល និងមានលក្ខណៈសម្បត្តិគ្រប់គ្រាន់ក្នុងការបកស្រាយពន្យល់ពីអត្ថន័យលទ្ធផលនៃការបង្រៀននេះ។ សមាជិកក្រុមការងារកម្មវិធី IEP ម្នាក់ទៀតអាចនឹងបំពេញតួនាទីនេះ
អ្នកផ្សេងទៀតដែលមានជំនាញ ឬចំណេះដឹងជាក់លាក់ទៅលើសិស្ស ទៅតាមការស្នើសុំរបស់ឪពុកម្តាយ ឬមណ្ឌលសិក្សាធិការ។ ការដែលអ្នកទទួលការអញ្ជើញនោះមានចំណេះដឹង ឬជំនាញគ្រប់គ្រាន់ដែរឬអត់នោះ គឺត្រូវបានសម្រេចដោយភាគីដែលបានអញ្ជើញបុគ្គលនោះមកចូលរួមកិច្ចប្រជុំ និង
សិស្ស ប្រសិនបើសមស្រប។ ¹

Cal. Ed. Code Sec. 56341.[↩]