កូនរបស់អ្នកមានសិទ្ធិទទួលបានសេវាកម្មអប់រំពិសេស រហូតដល់ឆ្នាំសិក្សាដែលគាត់មានអាយុ 22 ឆ្នាំ លើកលែងតែគាត់បំពេញបានតាមលក្ខខណ្ឌតម្រូវបញ្ចប់ការសិក្សាមុនពេលនោះ។ 1 បើកូនរបស់អ្នកមិនបានបញ្ចប់ការសិក្សានោះទេ គាត់អាចទទួលបាន “វិញ្ញាបនបត្របញ្ចប់ការសិក្សា” (អាចហៅផងដែរថា “វិញ្ញាបនបត្របញ្ចប់កម្មវិធីសិក្សា”) នៅចុងបញ្ចប់នៃឆ្នាំចុងក្រោយធម្មតា ឬនៅពេលណាមួយ មុនពេលគាត់ចាកចេញពីមណ្ឌលសិក្សាធិការនៅអាយុ 22 ឆ្នាំ។ វិញ្ញាបនបត្រនេះអាចផ្តល់នូវការទទួលស្គាល់ចំពោះសិស្សដែលសម្រេចគោលដៅកម្មវិធី IEP របស់ពួកគេ ឬបញ្ចប់វគ្គសិក្សាជំនួសដែលបានកំណត់ណាមួយ ប៉ុន្តែពួកគេនឹងមិនទទួលបានសញ្ញាបត្រធម្មតានោះទេ។ វិញ្ញាបនបត្រនេះក៏ត្រូវបានបង្កើតឡើងផងដែរដើម្បីយកឈ្នះទៅលើការជំទាស់តវ៉ាពីមន្ត្រីមណ្ឌលសិក្សាធិការដែលគិតថាសិស្សអប់រំពិសេសមិនគួរចូលរួមក្នុងពិធីប្រគល់សញ្ញាបត្រជាមួយមិត្តរួមថ្នាក់ដែលមានអាយុដូចគ្នានោះទេ នៅពេលដែលពួកគេមិនបានទទួលបានសញ្ញាបត្រនោះ។ ដោយសារតែវិញ្ញាបនបត្រមិនបញ្ចប់នូវសិទ្ធិទទួលបាន ដូច្នេះសិស្សដែលទទួលបានវិញ្ញាបនបត្រមួយអាចបន្តធ្វើកិច្ចការឆ្ពោះទៅរកការទទួលបានសញ្ញាបត្រធម្មតាបាន។ 2 សូមមើល ជំពូក 3 ព័ត៌មានស្តីពីលក្ខណៈវិនិច្ឆ័យលើសិទ្ធិទទួលបាន។