នៅរដ្ឋកាលីហ្វ័រញ៉ា សេចក្តីស្នើច្បាប់របស់សភា (AB) 181 បានបង្កើតមធ្យោបាយជំនួសសម្រាប់សិស្សមួយចំនួនដែលមានសិទ្ធិទទួលបានកម្មវិធី IEP ដើម្បីទទួលបានសញ្ញាបត្រមធ្យមសិក្សាទុតិយភូមិចំណះទូទៅ។ សម្រាប់សិស្សដែលចូលរៀនថ្នាក់ទីប្រាំបួនក្នុងឆ្នាំសិក្សា 2022-23 ឬក្នុងឆ្នាំបន្តបន្ទាប់ ពួកគេអាចទទួលបានសញ្ញាបត្រមធ្យមសិក្សាទុតិយភូមិចំណះទូទៅ ប្រសិនបើក្រុមការងារកម្មវិធី IEP របស់ពួកគេបានកំណត់ថាពួកគេមានសិទ្ធិទទួលយកការវាយតម្លៃជំនួស (CAA) របស់រដ្ឋ ហើយពួកគេបំពេញកិច្ចការមុខវិជ្ជាតាមស្តង់ដាររដ្ឋដើម្បីបំពេញតម្រូវការមុខវិជ្ជាសិក្សារបស់រដ្ឋ។ 1 សិស្សដែលបំពេញបានតាមលក្ខខណ្ឌទាំងពីរនេះនៅក្រោមកម្មវិធី IEP របស់ពួកគេ ត្រូវបានលើកលែងពីការបំពេញមុខវិជ្ជាសិក្សាឬលក្ខខណ្ឌតម្រូវដែលបានកំណត់បន្ថែមទៀតសម្រាប់ការបញ្ចប់ការសិក្សា និងទទួលបានសញ្ញាបត្រមធ្យមសិក្សាទុតិយភូមិ។ សិស្សដែលទទួលបានសញ្ញាបត្រមធ្យមសិក្សាទុតិយភូមិតាមរយៈមធ្យោបាយជំនួសមានសិទ្ធិចូលរួមក្នុងពិធីបញ្ចប់ការសិក្សា និងសកម្មភាពសាលាណាមួយដែលទាក់ទងនឹងការបញ្ចប់ការសិក្សាជាមួយមិត្តរួមថ្នាក់របស់ពួកគេដែលមាន ឬគ្មានពិការភាព។ សំខាន់ សិស្សដែលទទួលបានសញ្ញាបត្រមធ្យមសិក្សាទុតិយភូមិតាមរយៈមធ្យោបាយជំនួសបន្តមានសិទ្ធិទទួលបានការអប់រំពិសេសរហូតដល់ពួកគេមានអាយុ 22 ឆ្នាំ លុះត្រាតែក្រុមការងារកម្មវិធី IEP របស់ពួកគេ រួមទាំងមាតាបិតារបស់ពួកគេ និងខ្លួនពួកគេតាមការសមស្រប កំណត់ថាពួកគេបានបញ្ចប់បទពិសោធវិទ្យាល័យរបស់ពួកគេហើយ។ 2 សញ្ញាបត្រដែលទទួលបានតាមមធ្យោបាយជំនួសមិនផ្លាស់ប្តូរវិធានទាក់ទងនឹងការផ្តល់វិញ្ញាបនបត្រនៃការបញ្ចប់ការសិក្សា ឬសម្រេចការសិក្សាទេ។