នៅពេលសិស្សម្នាក់ធ្វើការផ្ទេរនៅអំឡុងឆ្នាំសិក្សាណាមួយទៅកាន់មណ្ឌលសិក្សាធិការថ្មីដែលមិនមែនជាផ្នែកមួយនៃផ្នែកផែនការមូលដ្ឋាននៃការអប់រំពិសេស (Special Education Local Plan Area, SELPA) តែមួយ នោះមណ្ឌលសិក្សាធិការថ្មីត្រូវតែផ្តល់ឲ្យសិស្សនូវការអប់រំ FAPE ដែលរួមមានសេវាកម្មដែលមានលក្ខណៈប្រហាក់ប្រហែលទៅនឹងសេវាកម្មនៅក្នុងកម្មវិធី IEP របស់មណ្ឌលសិក្សាធិការចាស់ ក្នុងរយៈពេល 30 ថ្ងៃដំបូងនៃការចូលរួមទៅក្នុងមណ្ឌលសិក្សាថ្មី។ (SELPA គឺជាអង្គភាពរដ្ឋបាលរដ្ឋកាលីហ្វ័រញ៉ា ដែលរួមបញ្ចូលគ្នាឡើងដោយមណ្ឌលសិក្សាធិការធំតែមួយគត់ ឬបណ្តុំមណ្ឌលសិក្សាធិការតូចៗនានា ដែលប្រមូលផ្តុំនូវធនធានអប់រំពិសេស។) អំឡុងរយៈពេល 30 ថ្ងៃដំបូង មណ្ឌលសិក្សាធិការថ្មីត្រូវតែប្រើប្រាស់កម្មវិធី IEP ពីមណ្ឌលសិក្សាធិការចាស់ ឬបង្កើត និងអនុវត្តកម្មវិធី IEP ថ្មីមួយដែលមានភាពស្របទៅតាមច្បាប់អប់រំពិសេសរបស់សហព័ន្ធនិងរដ្ឋ។ 1
ប្រសិនបើអ្នកផ្ទេរក្នុងអំឡុងឆ្នាំសិក្សាទៅមណ្ឌលសិក្សាធិការថ្មី ដែលស្ថិតនៅក្នុងផ្នែក SELPA តែមួយ នោះមណ្ឌលសិក្សាធិការថ្មីត្រូវតែបន្ត ដោយឥតពន្យារពេល ក្នុងការផ្តល់សេវាកម្មដែលមានភាពប្រហាក់ប្រហែលទៅនឹងសេវាកម្មទាំងឡាយដែលមានចែងនៅក្នុងកម្មវិធី IEP ពីមុនមក លើកលែងតែមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងមណ្ឌលសិក្សាធិការបង្កើត និងអនុវត្ត IEP ថ្មីមួយ។ 2
ប្រសិនបើសិស្សម្នាក់ផ្ទេរក្នុងអំឡុងឆ្នាំសិក្សាចូលទៅកាន់រដ្ឋកាលីហ្វ័រញ៉ាជាមួយនឹងកម្មវិធី IEP មកពីរដ្ឋផ្សេងទៀតមណ្ឌលសិក្សាធិការថ្មីរបស់គាត់ត្រូវតែផ្តល់ទៅឲ្យគាត់នូវការអប់រំ FAPE រួមទាំងសេវាកម្មដែលមានលក្ខណៈប្រហាក់ប្រហែលទៅនឹងសេវាកម្មនៅក្នុងកម្មវិធី IEP ពីមុនមករបស់គាត់ ដោយមានការពិគ្រោះយោបល់ជាមួយមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត រហូតដល់មណ្ឌលសិក្សាធិការថ្មីធ្វើការវាយតម្លៃថ្មីមួយ ហើយបន្ទាប់មកបង្កើតកម្មវិធី IEP ថ្មីមួយឡើង។ [Cal. Ed. Code Sec. 56325(a)(3).] មណ្ឌលសិក្សាធិការថ្មីរបស់សិស្សត្រូវតែចាត់វិធានការសមស្របដើម្បីទទួលបានភ្លាមៗនូវកំណត់ត្រារបស់សាលាគាត់។ 3